'By armës prevëd in som coste.
Thow art no thyng but wynde and boste,
Byhotynge myche, whan al is wrought,
And in deedë doste ryght nought.'
Line 21980
¶ The Pylgryme:
"MAdame," quod I, "yt is no ffayle,
I schal amendë with travayle;
And, I hope, vexacyoun [Stowe folio 351a]
Schal ȝeue to me fful hygh renoun,
Line 21984
To conquere som excellence
By vse and longe experyence.
"I haue pleynely, in the see,
Nauffragus fful long I-be,
Line 21988
And suffred (bothe este and weste,)
Many [[many a St.]] perel and greet tempeste,
And ȝit I stonde in a deluge.
But ȝeue I haue off ȝou reffuge,
Line 21992
With-in ȝoure schippe me ffor to marke,
As Noe was with-in his arke,
I may not (schortëly to telle,)
Escape out off this [[thes St.]] ffloodës ffelle."
Line 21996
¶ Grace dieu answerith: [[grace dieu St.]]
'BE wel provyded in thi thought,
That thow behotë me ryght nought, [Tib folio 86b]
Ȝeue thow wolte [[wylt St.]] my thanke disserue,
But that thow wolte [[wylt St.]] trewely obserue;
Line 22000
ffor bette it is, not vndertake,
And avowys noon to make,
Than to make hem by assent,
And breke hem affter, off entent:
Line 22004
Swhiche avowës, loue I nought,
But they be made off herte and thought.
Wherffore, with-out eny slouthe,
Kepe thyne heeste to me, off trouthe.'
Line 22008
¶ The Pylgryme:
"Wyth ȝoure supportacyoun,
It is myne entencyoun,
My promysse, bothë [[bothe om. St.]] day and nyght,
To kepe yt, as I haue byhyght."
Line 22012
¶ Grace dieu answerith: [[grace dieu St.]]
