"But yiff ther werë mor plente."
¶ Grace Dieu Answerith: [[Tib., grace dieu St., om. C.]]
Quod she to me (as in substaunce),
'Thow hast off water suffysaunce.'
Line 21872
She saydë soth, as I wel ffond,
And puttë forth A-noon hyr hond
Toward hyr shyp off gret delyt.
Line 21875
And thanne a-noon, a [[a Tib., St., om. C.]] dowë whyt
Retournyd ys at hyr callyng,
And kam to hyre A-noon fleyng. [[anon to her flyenge St.]]
In hyr beek she brouht A wond,
Wych Gracë Dieu took in hyr hond;
Line 21880
And thanne the dowë (in certeyn) [Tib folio 84b]
ffley vn-to the shyp a-geyn. [Stowe folio 350a]
Thys yerdë semptë (doutëles)
Lyk [[C., St., om. Tib.]] to the yerde off Moyses,
Line 21884
Wyth wych (the byble seyth apert,)
The ston he smettë, [[smot Tib.]] in desert;
And with the water that out ran,
Off Israel, bothe beste and man,
Line 21888
Drank ynowh in hábondaunce,
Ther was so hugë suffysaunce. [folio 286a]
And trewly, as to myn entent,
By sygnës that wer evydent,
Line 21892
Wyth the samë yerde a-noon,
Gracë Dieu smette [[smot Tib.]] on the ston.
And thanne the rochë, Rowh and hard,
(I hadde ther-to ful good reward)
Line 21896
At an eye (yt ys no doute)
The water gan to ronnen oute
In-to the vessel that I off spak,
That off plente ther was no lak.
Line 21900
[Grace Dieu]:
Quod Grace Dieu A-noon to me,
'Now thow hast ynowh plente
Off water, (I dar vndertake,)
Suffysauntly a bath to make; [[Blank in MS. for an Illumination, given in Tib., of the Pilgrim in a square white bath, filling with the drops from an Eye in a green rock, by which]
Line 21904
