"Was neuere pylgrym in swych poynt,
Line 21691
Trewly, nor in swych disioynt. [[C., Tib., suche ioynt St.]]
"Now, goodë god, off thy grete grace,
Be my socour in thys place!
ffor thow, for my savacïoun,
Art the pomel off my bordoun.
Line 21696
To the, as for my [[the Tib., my St.]] cheff coumfort,
In thys nede I ha resort,
To brynge me, throgh thy gretë myght,
In-to the weye I may go ryht,
Line 21700
And ben supportyd (fer and ner)
Wyth that charbouncle bryht and cler,
Wych that, wyth hys bemys bryht,
Yiveth vn-to my bordoun lyht.
Line 21704
"Now parte [[parten St.]] with me, off thy clernesse,
And bryng me Out off my dystresse,
Out off thys dedly mortal rage! [Tib folio 81a]
ffor, syth tyme off my tendre age,
Line 21708
My trust, ánd myn áffyaunce,
My Ioye, and al my suffisaunce,
Al hooly hath ben in the,
Ageyns al aduersyte,
Line 21712
In euery peyne and ech labour,
To fynden confort and socour.
And now I [[I St., that C., Tib.]] stonde in so gret drede,
Helpe me in thys gretë [[gret C., St., greet Tib.]] nede!" [folio 283a]
And whyl I gan me thus compleyne,
Line 21717
Evene A-myd off al my peyne,
I sawh, A-myddys off the se,
A shypë [[shype St., shyp C.]] saylle towardys me;
Line 21720
And evene above, vp on the mast
(Wherfor I was the lasse A-gast,)
I sawh a croos [[crosse Tib., crose St.]] stonde, (and nat flytte,)
And ther-vp-on, A dowë sytte,
Line 21724
Whyt as any mylk or snowh,
Wheroff I haddë Ioye ynowh. [[An Illumination follows in Tib., of a Ship with its fore and hind castles, and a Dove on a Cross at the top of the mast. The Pilgrim is on his isle.]]
And in thys shyp (a-geyn al shours,)
