¶ The Pylgryme: [[Tib., Pilgrim St., om. C.]]
"Thogh thow be-gynnë in gladnesse,
Thow endest euere in wrechchydnesse;
Ellys I wolde, for my plesaunce,
Wyth the haven áqueyntaunce.
Line 21548
I pray the, put me out off doute
Off thys tour turnynge aboute;
What maner thyng that yt may be,
ffyrst off alle, that wolde I se."
Line 21552
¶ Wordely Gladnesse: [[Tib., worldly gladnes St., om. C.]]
'ffyrst, [[Fyrste Tib., Fyrst C., St.]] (yiff thow lyst to se,)
The grete Amýral off the see,
Wych that callyd ys Sathan,
Thys tour sothly he began;
Line 21556
ffor he fyrst (off entencïoun)
Made ther hys habytacïoun.
And other shyp ne hath he noon,
Among the floodys for to gon,
Line 21560
In the wyche, by gret deceyt,
He lyth euere in a-wayt,
Wyth pylgrymes to holdë stryff,
And to make hem lese her lyff.
Line 21564
He seth, bothe by hyl and vale,
Thorough [[Thorough Tib., Thorgh C., thrwghe St.]] thylkë hoolys smale,
By what weyë that they gon;
(Amongys wychë, thow art on,)
Line 21568
And, to deceyve hem in her weye,
Her he maketh me sytte, and pleye
With sootë song and armonye,
Alle pylgrymës to espye.
Line 21572
Yt behoueth the taproche,
Or that thow go ner to that roche.' [Tib folio 78b]
The Pylgryme: [[Tib., Pilgrim St., om. C.]]
"Expownë fyrst-lyk [[ffirste Tib., fyrst lyke St.]] my desyr;
Wherfor serueth the smoky ffyr
Line 21576
That ysseth [[yssyth Tib., yssuythe St.]] at the hoolys oute,
In thylkë tour [[towre Tib.]] round aboute:
Wych thyng, fyrst to me declare; [folio 281a]
And thanne to pleye, I shal nat spare."
Line 21580
¶ Worldly Gladnesse: [[worldly C. in margin, Wordely Gladnesse Tib., worldly gladnes St.]]
