'I chace at hem that ther-in Rowe,
And make the fellë floodys flowe,
Line 21360
ffolkys for to putte in doute,
Do myn houndys, ful gret route,
Berkyn, and gret noysë make;
And gretë bestys for to take
Line 21364
With-outë noysë or [[or greet Tib.]] berkyng:
Wonder grevous ys ther bytyng.
I couple hem with myn owne hondys,
And gretë hothës [[othes Tib.]] ben the bondys
Line 21368
Wyth wych I make ther állyaunce,
Bothe by feyth and ássuraunce.
'Wyth the noysë that they make,
Pylgrymes offte they don a-wake;
Line 21372
And thogh they berke nat On A man,
fful mortally they byten kan;
And thogh they byten by greet [[greet Tib., gre C., St.]] sleyhte,
Ther berkyng ys no thyng on heyhte;
Line 21376
Ther fraude ys do so couertlye,
That no man may yt espye;
ffor, vnder colour, (in sothnesse,)
Line 21379
They wyl ha [[wole haue Tib.]] thank for her falsnesse.
'And, to purpos off thys thyng, [[ [Tib folio 75a] with a big Illu|mination of two kings going to war.]]
Yt ffyl onys, that a kyng,
A-geyn a-nother kyng nat ferre,
Off purpos held A mortal werre;
Line 21384
And with the meyne that they with-held,
Bothe they kam in-to the ffeld. [Stowe folio 345a]
'The ffyrstë kyng that I off telle,
With [[of St., with Tib., C.]] knyhtys that aboute hym dwelle,
On whom he trustede as hys lyff, [folio 278a]
Line 21389
Gan fyrst asayllen in thys stryff;
But for al that, I, with my wyle,
Thus I dyde the kyng begyle:
Line 21392
I made hys knyhtys, the [[they C.]] day to-forn,
Vn-to hym for to be sworn,
Ther-vp-on her lyff to spende,
That they sholde hym wel dyffende,
Line 21396
And knyhtly gouerne the bataylle.
'But at the poynt, they dyde hym faylle;
