"That we sholdë ha memórye, [Tib folio 68a]
Line 20990
By hem, a kalender to make,
What they suffrede for crystes sake,
Patryarchës and prophétys,
Wych in hevene haue now her setys;
Line 20994
The [[And the Tib.]] passïoun off cryst hym-sylue, [[An Illumination follows in Tib.]]
And off hys apostelys twelue,
And off martyrs that wer vyctours;
The pacyënce off cónfessours,
Line 20998
And off maydenes, in ther degre,
That deydë [[C., deyed Tib., dyed St.]] in vyrgynyte,
As clerkys in ther lyvës [[boks St.]] ffynde. [Stowe folio 341a]
"Ymáges présente to Our mynde,
Line 21002
And to vs, clerly expresse,
Off her lyvyng the holynesse;
And for thys skyle, (with-outë let)
Ymages in cherches ben vp set;
Line 21006
And vn-to folkys many On,
fful gret profyt also they done,
Namly, to swych (I yow ensure)
That ne kan, no lettrure;
Line 21010
ffor, on ymáges whan they lookys,
Ther they rede, as in ther bookys, [[loke . . boke St., lokys . . bokys Tib.]]
What they ouhte off ryht to sue, [Tib folio 68b]
And also what they shal [[schulde Tib., shuld St.]] eschewe,
Ther they may yt clerly lere.
Line 21015
"But off thy mawmet, I wolde here,
Wych may thé no thyng socoure,
Why thow sholdest hym honoure. [folio 272b]
Line 21018
ffor (who that any resoun kan,)
With-Inne, enclosyd ys Sathan,
And ther hym-sylff hath mad a se,
The prynce off al inyquyte,
Line 21022
The wychë [[whiche Tib., St., wych C.]] (shortly for tendyte,)
fful mortally he shal the quyte,
Whan he seth tyme, and best leyser.
And therfor, now, whyl thow art her,
Line 21026
Off thy Mawmet for to telle,
Sey on; for I ne may nat dwelle."
