"Tel on ffyrst, what ys thy name."
Line 20874
Dame Idolatrye: [folio 270b] [[Tib., Ydolatre St., Ydolatrye in margin C.]]
'Ydolatrye [[And Idolatrye Tib.]] I am,' quod she,
'And off ffolkes that be ffre, [[free Tib., St., ff C. burnt]]
Thys my custom and vságe [[C., Tib., St.]]
ffor to brynge hem in seruage. [[C., Tib., St.]]
Line 20878
And I kan, by collusïoun,
Tourne al estatys vp-so-doun,
And settë (thogh ffolk hadde yt sworn,)
That ys bakward, to go beforn.
Line 20882
To dyfface, ys my labour,
The kyngës worshepe and honour, [¶ Deuteronomi. 6o (13) Dominum deum tuum timebis, & illi soli se[r|vies]. Tib., om. C., St.]
And al that to my sylff applye.
ffor I am callyd 'Ydolatrye,'
Line 20886
The wychë (who wel lokë kan)
ffrend and douhter to Sathan;
ffor Sathan (shortly for to telle)
In mawmetys I make hym dwelle.
Line 20890
'By thys cherl vp-on hys kne, [Tib folio 66b]
Her thow mayst exaumple se,
How he, wyth al hys dyllygence,
Doth hym honour and reuerence,
Line 20894
Wenynge, by hys ápparaylle,
The mawmet myhte to hym avaylle.
ffor Sathan,—that ys cloos with-Inne,
To Infecte hys soule wyth synne,
Line 20898
And hys wyttys to entrouble,—
Yiveth an answere wych ys double,
Wych hath (to marren hys entent,)
A maner off double entendëment,
Line 20902
And leueth hym euere in none-certeyn, [[none certeyne St., non certeyne Tib.]]
Or kepeth hym Muët [[muyt St., Muet Tib.]] off dysdeyn;
And hys [[his Tib., hyr C., her St.]] réqueste doth refuse,
To make the fool more for [[for C., St., om. Tib.]] to muse,
Lose hys tyme, off wylfulnesse.
Line 20907
'And yet, in al hys wrechchydnesse, [Stowe folio 340a]
Efft [[Offte Tib., eft St.]] he doth hys dyllygence,
With [[With om. Tib.]] smoke and ffyr hym to encense,
Prayeth hys Mawmet nat to faylle,
Line 20911
To yive Answere, and hym [[C., Tib., hem St.]] consaylle,
