'On every thyng, and ech demaunde,
Lyk as my ffygures me comaunde.'
Pilgrym: [[St., om. C.]]
"Tel fforth to me euerydel,
Wher-off serveth that tuel."
Line 20766
Geomancy: [[St., om. C.]]
'I looke thorgh (off hool entent)
Vp-ward to the ffyrmament,
To han, vn-to my questïoun,
A maner dysposicïoun,
Line 20770
Or that I my ffygur sue,
How the hevene doth influe.
Pilgryme: [[St., om. C.]]
"Now I telle the Outterly,
That thow art ryht vnhappy,
Line 20774
And dygne (to myn oppynyoun)
Off shame and off confusïoun,
That, so myche off thy ffolye
Trustest in astrologye,
Line 20778
Wenyng, at thy [[the St.]] comaundëment, [folio 269a]
ffor to make the ffyrmament
As thow lyst, ryht at thyn hond,
ffor to descende vp-on the sond,
Line 20782
By influence avale a-doun
By causë off thy questïoun;
Wenynge ta fond [[to a found St.]] Out a weye
That the hevene thé sholde obeye.
Line 20786
"In thyn hed ys no resoun,
Clernesse nor dyscrecïoun;
Thy crafft and thow be [[be, om. St.]] peryllous
To symple ffolkys vertuous,
Line 20790
To brynge hem in mysgouernaunce.
I praye god, saue me fro meschaunce,
And ffro thy gret Inyquyte!
Go hens, that I no mor thé se!
Line 20794
I drede me gretly in my thouht,
That I am in pereyl brouht;
Namly in thys dredful se,
I trowë sothly that I be
Line 20798
ffalle on a pereyl doutëles,
