'Thow shalt A-noon, her in presence
Sen ther, off experyence,
Line 20726
ffor yt ys wrouht by manhys hond,
Somwhyle in erthë and in sond:
Ther-fore (shortly to specefye)
Yt ys callyd Geomancye.'
Line 20730
[The Pilgrim]:
Than quod I, "tel on to me,
What be the poyntys that I se:
Declare to me, and nat ne ffaylle,
What may they helpyn or A-vaylle."
Line 20734
Geomanc[y]e [[St., om. C.]] :
'Be-twyxen ernest and ek game,
'Geomancye,' her ys my name.
Astrologye ys my maystresse,
That dyde my name to thé expresse;
Line 20738
To whos doctryne and whos sentence
I yivë ffeyth and fful credence;
And by thys poyntys, I kan knowe
Whan ys tyme to Ere and sowe;
Line 20742
And wher, thys nextë yer certeyn, [folio 268b] [[C. & St.]]
Ther shal be plente off frut and greyn. [[C. & St.]]
And I kan tellë, nyh and fferre, [[C. & St.]]
Bothe off pes and ek off werre; [[C. & St.]]
Line 20746
And in effect, I wyl nat ffaylle [[C. & St.]]
To telle the ffyn off a bataylle.
And, that I lese nat my labour,
I take the tyme and ek the hour
Line 20750
Whan that I my werk begynne,
Who shal lesyn, or who shal wynne,
Or who shal ffaylle [[who shallan St.]] off hys plesaunce;
ffor thys poyntȝ ha résemblaunce
Line 20754
To the sygnës in the hevene,
And to the planetys allë .vij. [[seven St.]]
'And, I taake also good heed
To the tayl and to the hed,
Line 20758
Hih a loffte, off the dragoun,
Whan I ffourme my questyoun,
Wher-on, by hevenly influence, [Stowe folio 238b]
I yivë trewe and iust sentence
Line 20762
