"Declare her namys here to me,
Line 20686
And thy-sylff no-thyng excuse,
Wher thow dost swych crafftës vse;
ffor syth thow seyst so nyh they be,
With al myn herte I wolde hem se."
Line 20690
Astrologie: [[St., om. C.]]
'ffor to ffulfyllë thy desyr:
The ffyrstë place ys in the ffyre;
And my scoler, ffyrst off echon,
Wher-so-euere that we gon,
Line 20694
(I kan hyr in no wyse excuse,)
In that place she doth yt vse.
And she (as I shal specefye)
Callyd ys 'Pyromancye':
Line 20698
ffro thennys she may nat wel dysseuere;
And in the ffyr she dwelleth euere;
And therby (in conclusïoun)
She maketh hyr dyvynacïoun,
Line 20702
Be yt ffoul or be yt ffayr.
'My secounde scoler in the hayr [[is the ayre St.]]
Pleynly, affter my doctryne,
At allë tymës doth devyne;
Line 20706
And therfor (yiff thow konne espye,)
Hyr name ys callyd 'Aermancye.' [folio 268a]
'The thrydde ys off fful gret renoun,
And hath hyr habytacïoun [Stowe folio 338a]
Line 20710
In the se (who kan dyscerne);
Whom Neptunus doth gouerne;
By whom (the story telleth thus)
The myghty man Neptanabus,
Line 20714
ffader to Alysaundre the kyng,
Wrouht fful many A dyuers thyng;
And in the water and in the se
Was al hys crafft, as thow mayst se.
Line 20718
Ther-fore (me lyst nat for to lye,)
Yt ys callyd Ydromancye,
By water (in conclusïoun),
Augurye or dyvynacïoun.
Line 20722
'The ffourthë, (yt nedeth nat telle,)
ffor, awhyle yiff thow wylt dwelle,
