"Nor ffruitys non yt sholde forth brynge,
Ne wer the hevene (wyth hys myght)
Gaff ther-to, coumfort and lyht;
Line 20650
ffor the hevene, thorgh hys bryhtnesse,
Thorgh hys hete, and hys clernesse,
Causeth in erthë many a payre
fflourys and ffruit to spryngë fayre,
Line 20654
And yiveth ther-to (as thow mayst se)
fful grete gyfftys off bewte,
Lych as the lord off most renoun
Hath yove hem by commyssïoun.
Line 20658
"But hys power, nor hys powste,
Ne strechchet nat (who lyst to se,
Neuere sythe the world by-gan,) [Stowe folio 337b]
Touchynge the gouernaunce off man.
Line 20662
ffor man hath choys and volunte,
ffredam also, and lyberte.
Hevene ne sterrys, bothë two,
Ther-with haue no-thyng to do,
Line 20666
Nor neuer aforn, power hadde,
To cause hym [[them St.]] to don good or badde.
"But whan I mette ffyrst with the,
Off O thyng thow spak to me,
Line 20670
Touchyng thy tother halff partye
Wych callyd ys 'Astronomye.'
Tel me a-noon, and have y-do, [folio 267b] [[St. & C.]]
Ys she ffer now fro the go? [[St. & C.]]
Line 20674
Wher ys hyr habytacïoun, [[St. & C.]]
Hyr dwellyng, or hyr mancïoun?" [[St. & C.]]
Astrologie: [[St., om. C.]]
'Wher that she be, her or yonder, [[St. & C.]]
We ne be nat ffer asonder,
Line 20678
ffor vnder hyre proteccïouns
I makë dyvynacïouns;
And by hyr power grauntyd me,
I have scolerys two or thre,
Line 20682
Wych that on me euere abyde,
And departe nat fro my syde.'
Pilgrim: [[St., om. C.]]
"Tel on a-noon, I pray the,
