To telle the werkys off the lord. [Celi enarrant.]
Line 20610
The sterrys, he [[be St.]] makyd for to shyne, [Stowe folio 337a]
Vp-on the Erthë tenlwmyne;
Hih in hevene to abyde,
A-sonder only to devyde
Line 20614
The day and ek the dyrkë nyht.
"And in hys Centyloge a-ryht,
The gretë clerk, kyng [[grete kynge St.]] Tholome,
Affermeth ther (who lyst to se);
Line 20618
He seyth (As I rehersë kan)
That in erthe A wysë [[wyse St., wys C.]] man [Sapiens dominabitur astris.]
Haueth domynacïoun
Above ech constellacïoun."
Line 20622
And affter he hadde herd me seyn,
Thus he answerde me ageyn:
Astrologye: [[St., om. C.]]
'Affter thy wordys rehersyd here,
The heuene, with hys sterrys clere,
Line 20626
Sholdë hauen, in substaunce,
But lytel power or puissaunce,
And sholde also, by thy devys,
Ben also off lassë prys
Line 20630
Than ys the erthë, her doun lowe,
With greynys and with sedys sowe;
ffor the Erthe, wher-on we gon,
Bryngeth fforth ffruitës many On,—
Line 20634
Euerych grouynge in hys kynde,—
And flourys fayre, as thow mayst fynde;
And yet, for al hys gret ffayrnesse,
The hevene haueth mor noblesse [folio 267a] [[St. & C.]]
Line 20638
Than hathe therthe in hys degre, [[St. & C.]]
By many effects, as man may se; [[St. & C.]]
And it also more necessary. [[St. & C.]]
And shortly, (for me lyst nat tarye,) [[St. & C.]]
Line 20642
In hevenly myght and puissaunce,
The erthe hath al hys governaunce.'
[The Pilgrim]:
"In som thyng thow seyst ful soth,
Touchyng that the hevene doth.
Line 20646
In erthe, ther sholdë non greyns sprynge,
