"Wherfor thy resouns be but veyn.
Line 20530
"Or telle me also a resoun
Touchynge thyn oppynyoun:
An hundryd thousand men assaylle
Euerych other in bataylle;
Line 20534
Wher-off kometh ther [[C., Tib., that St.]] destyne,
That they ben alle at o Iourne,
And yet par cas (yt ys no nay)
They wer nat alle born on [[in St.]] o day,
Line 20538
Nor they nat entre, nyh nor ferre,
All at tonys [[ones St.]] in-to that werre;
And yet, by Martys [[martis St., marrys C.]] mortal lawe,
Euerychon they ben yslawe:
Line 20542
Tel the cause what may thys be,
And spek no mor off destyne.
"Yet som folk ben ordynat,
And also predestynat,
Line 20546
Prescryt [[prescryt St., Prescyt C., Prescys Tib.]] to-forn to Ioye and blysse,
Off the wych som other mysse,
Swych as (in conclusïoun)
Gon vn-to [[C., St., in to Tib.]] dampnacïoun.
Line 20550
"And, trewly [[trewely Tib.]] (yt ys no dred)
The cause ys nat (who taketh hed,)
The dyvynë prescyence;
But the gretë dyfference
Line 20554
Ys causyd off good and off badde,
Affter the lyff that they her ladde.
And in this [[Tib., the St., thy C.]] world (bothe ffer and ner, [[leaves out of Tib. till 555/20812 below.]] )
As they rowede in the Ryuer,
Line 20558
Somme to Ioye, somme to peyne,
ffro synne as they hem-sylff restreyne;
The goodë to savacïoun,
The evele vn-to dampnacïoun,
Line 20562
Constreyned no-thyng by destyne, [Stowe folio 336b]
But by ffre wyl and lyberte.
"Thogh god knewe al thys thyng [[thyng om. St.]] to-forn,
Many [[Many a St.]] day or they wer born, [folio 266a]
Line 20566
Hys knowyng nor hys prescyence,
Vn-to man doth noon offence.
ffredam ys yove [[gyven St.]] to hem to chese,
