"He parteth, as yt ys hys wyl.
Line 20450
"Therfor lat gracë be thy guyde, [Tib folio 63b]
And al thy resouns set asyde;
And wenë nat, in thyn entent,
The sterrys nor the ffyrmament [folio 264b]
Line 20454
Ha no vertu (with-outë glose)
Good or evel, for [[for om. Tib.]] to dyspose,
But as the lord celestyal
Ordeyneth, that govérneth al.
Line 20458
Wher-for, beholde and loke a-ryht,
And deme off resoun in thy syht,
And be with me nat evele apayd.
"Yiff yt wer soth that thow hast sayd,
Line 20462
Yt wer as [[all St.]] good (thys, the cheff)
To ben a robbere and a theff,
(By the resouns that thow gan, [[began St.]] )
As for to ben A trewë man,
Line 20466
ffolwynge, off necessyte,
That yt myhte noon other be; [Stowe folio 335b]
The sterrys, the hevene, bothë two,
Han ordeyned yt mot be so
Line 20470
By ther hevenly influence,
Wyth-outen any résystence.
Why sholde A theff than punysshed be,
That fro robbry may nat ffle;
Line 20474
Or A trewe man, by resoun,
Vertuous off condycïoun,
Mawgre hys wyl and [[with St., and Tib.]] al hys myht,
Escheweth wrong, and doth al ryht.
Line 20478
Touchyng hys meryte nor gerdoun,
He noon dysserveth, off resoun,
ffor the sterrys euerydel
Ben only cause that he doth wel.
Line 20482
Wher-vp-on (who-so taketh hede)
Bothë sholde haue ylychë mede,
Good or harm, wher-so thé werche.
"And also off al hooly [[hooly om. Tib.]] cherche,
Line 20486
Yiff thy resouns wer certeyn,
The sacramentys wer in veyn
In thys cas (yiff yt be souht);
