"And to dyscerne, (who loke a-ryht)
To knowe the dayës wel fro nyht,
He sette hem ther (by certeyn lynes)
As for markys and for sygnes:
Line 20374
Lat the byble wel be souht,
And other thyng thow fyndest nouht.
"Off the power that he hem sette,
Line 20377
Ther-off he wyle no thyng hem [[hem om. St.]] lette;
But shortly, al ther gouernaunce
Abydeth vnder hys puissaunce;
He byndythe, [[St., vndoth C.]] and vnbynt also; [folio 263b]
What euere hym lyst, that mot be do;
Line 20382
And O word that her ys sayd,
(And ful notáble to be layd,
To be put in rémembraunce,
My conclusioun to Avaunce,)
Line 20386
That the sterrys ffer above,
Wér only ffor sygnës yove,
That thyngës (who so lyst to se)
Wyth hem sholdë markyd be.
Line 20390
"And who that euere ageyn malygnes,
They be but markys, nor but sygnes
Off thylkë lord celestyal,
That syt above, and rewleth al,
Line 20394
Sterrys and constellacïouns.
"And as in cytes and in townys,
Maystres off dyvers crafftys
Hang out, on polys [[bolys St.]] and on rafftys,
Line 20398
Dyuers sygnys hih and lowe,
Wher-by that men ther crafft may knowe;—
As somme off hem hang out lyouns,
Somme Eglys and gryffouns,
Line 20402
Peynted on bordys and on stagys,
Dyuers Armys and ymáges
(In cytes mo than .ix. or ten,)
Wherby men knowe thys [[thes St.]] craffty men;
Line 20406
But wher-so-euere they hangyd be,
Hih aloffte, that men may se,
He wer A ffool, and nothyng sage,
That woldë deme in hys corage,
Line 20410
