"Vp-on al thyng, [[thynge St.]] hih and lowe,
Her in erthë that men knowe,
Bothe to shette and ek vnclose,
And as hym lyst, ffor to dyspose
Line 20334
At ther ownë volunte,
That yt myhte noon other be,
But as the hevene (in substaunce)
Lyst to tourne the ordynaunce;
Line 20338
Than muste ther power (who kan se)
Be fallen off necessyte,
As the sterrys wolde ordeyne:
The kyng ne myght yt nat restreyne;
Line 20342
ffor he, off verray volunte,
Hath wyth-drawen hys powste. [folio 263a] [[C. & St.]]
Thus thow woldest hym exclude, [[C. & St.]]
And by thy wordys ek conclude, [[C. & St.]]
Line 20346
That allë thyngës that her be,
Sholde fallë off necessyte,
Wherby (who that kan dyscerne)
The lord that al hath to gouerne,
Line 20350
Sholde, by hys commyssïoun,
Restreyne hys domynacïoun,
Wych ys A maner impossible,
And as to me, no thyng credyble,
Line 20354
What-euere her-on thow lyst to seyn.
"But I wyl answere the ageyn,
Touchyng the hevenly mocïouns,
Ther power and ther commyssïouns,
Line 20358
Ther influencys and ther mevyng:
Al thys, they haue yt off the [[theyr C.]] kyng
And off the lord (who kan concerne)
That hevene and erthë doth gouerne.
Line 20362
And trewly, in A-nother wyse
Than thy sylff dost her [[here St.]] devyse.
"Touchyng ther power, (tak good heede,
In Genesis thow mayst yt rede;) [Stowe folio 334b]
Line 20366
He ordeynede sterrys for to shyne,
To yivë lyht, and enlwmyne,
And to the world, by ther bryhtnesse,
To yivë coumfort and clernesse;
Line 20370
