"And declaryd to the / the day
Whan that she shal parte away
Line 20254
ffro mars, that ys hyr ownë knyht:
In hevene thow haddyst her-off a syht.
Wher wer thow euere so pryve,
Or with the sterrys so secre,
Line 20258
To knowe the power and the myght
That god hath yove to hem off ryht?
"I dar affermen her a-noon,
Sterrys and planetys, euerychon,
Line 20262
Be soget to hys power royal
And to hys ryht Imperyal.
What-so-euere thow kanst allegge,
They ha noon other pryvylegge,
Line 20266
ffraunchysë nor commyssïoun,
But vnder hys domynacïoun;
And vn-to that (I dar wel seye)
Alle the planetys muste obeye,
Line 20270
And fro that ordre neuere varye, [folio 262a]
Who-euere affermë the contrárye."
[Astrology.]
Quod she a-noon ageyn to me,
'Neuer in my lyff ne dyde I se
Line 20274
No pryvylege (touchyng thys thyng) [Stowe folio 333b]
Yove [[gyven St.]] to the sterrys in ther mevyng;
Nor, in the heuene so hih and fferre,
I spak [[spake St.]] neuere with no sterre;
Line 20278
Nor I nat knowë ther secres, [[secretes St.]]
Ther mevyng, nor ther pryvytes,
Nor how ther cours aboff [[or aloff C., aloft St.]] ys lad,
But as I haue in bookys rad,
Line 20282
And ther conceyved by wrytyng,
Bothe off her cours and ther mevyng.
'And also long experyence
Hath yove to me ther-off scyence;
Line 20286
Ek oldë clerkës her-to-fforn—
That wer ful longe or thow wer born—
Yt dyde ynowh to hem suffyse,
To knowe the maner and the guyse
Line 20290
Off grete effectys off the hevene,
