The Pilgrim: [[St., om. C.]]
Whan I herde hyr wordys alle,
Off look and cher I gan to palle,
And wex abaysshed mor and more,
And be-gan to syhë sore;
Line 20218
Thoghte in myn herte, off gretë [[gret C., St.]] ffer,
I was nat passyd al daunger [[Line wanting in both MSS., tho' neither has a gap.]]
As yet, in thys streyth passage; [[Blank in MS. for an Illumination.]]
Line 20222
Thouhte also, (so god me rede!)
That I haddë ful gret nede,
Touchynge thys oppynyoun,
To axë counsayl off Resoun.
Line 21226
I answerde to that party:
"Thow spekyst," quod I, "ful largely.
God grauntë me (to myn entent) [Stowe folio 333a]
In thys mater A-vysëment,
Line 20230
My wordys so, for texpresse,
That ffynally I may represse
Thyn errours and thyn ffolye, [folio 261b]
Groundyd on Astrologye,
Line 20234
Wych ne be nat vertuous,
ffor they be superstycïous.
"Yt semeth as thow haddest ben
Hih in the hevene, for to sen
Line 20238
Al aboutë, nyh and fferre,
And axyd ther, off euery sterre,
Ther coursys and ther mocïouns
And ther reuolucïouns,
Line 20242
And dyscuryd ther secres
To the, and al ther pryvytes,
Wych ar good, wych ar malygne,
Whan they shal entren any sygne,
Line 20246
Or entren any mancïoun,
Ther to haue domynyoun.
"I trowe, thow wylt thé makyn bold,
How that Venus hath the told
Line 20250
The tyme assygnëd, whan that she
Shal, next, conyoyned be
