'Affter the sterrys hem assure
In good, or in Evele Aventure;
Wych hourys ben happy And Ewrous,
And wych also malicïous.
Line 20178
'And shortly, (who consydreth al)
Affter the bodyes celestyal,
Lych as they her cours done holde,
And the Stocyenës [[Stocyens C., St.]] wolde [Stowe folio 332b]
Line 20182
Holden with me, (yiff they wer here,)
In ther bookys as they lere.
'And Mathesis wolde conferme
Al that euere I afferme,
Line 20186
Make a confyrmacïoun
Vp-on myn oppynyoun,
By ther Argumentës cler.
And the poete ek, Homer,
Line 20190
Whylom merour off elloquence,
Contentyth ek to thys sentence:
He seyth in hys wrytyng thus:
At rysyng vp off Phebus,
Line 20194
That whan hys bemys y-reysed be,
He yiveth ech man volunte [folio 261a]
And wyl (ther kan no man sey nay,)
How he shal gouerne hym that day.
Line 20198
'And affter Phebus ordynaunce,
Somme ha sorwe, and som plesaunce;
Thys poete (in conclusïoun)
Leueth [[levethe St.]] on thys oppynyoun:
Line 20202
And what-so other folkys do,
I leue ther-on my sylff also;
And my levyng that thow sest here,
Yfoundyd ys on a red sper;
Line 20206
And yiff thow kanst yt wel espye,
My leuyng doth so sygnefye.
'Now tel on, and thyn hertë bolde,
Wychë [[whiche St., wych C.]] party thow wylt holde,
And make a demonstracïoun
Line 20211
Affter thyn oppynyoun;
And as thow hast her-in creaunce,
Outher ffeyth or affyaunce.'
Line 20214
