'And I dar also specefye, [Stowe folio 332a]
As the planetys dyversefye
Abouë, (who so koudë knowe,)
So the bodyes her doun lowe
Line 20138
(Affter myn oppynyoun)
ffolwe ther constellacïoun.
ffor, thys philisoffres alle,
The 'secounde causys' dyde hem calle:
Line 20142
Affter ther name (in wordys ffewe)
Ther effectys they must shewe,
Or elles I wolde boldly seyn,
They tooke ther namë but in veyn.
Line 20146
'The creatour, at begynnyng,
Whan he hem made in hys werkyng,
He gaff hem power, (clerkës ffynde)
Euerych to werkyn in hys kynde,
Line 20150
And for to mevë to som ffyn.
'And as the doctour seynt Awstyn
Recordeth shortly in sentence,
The lord, off hys magnyfycence,
Line 20154
Suffreth hem, (who-euere muse)
Affter ther kynde her cours to vse.
'And damë Fortune ek also,
And hyr Karybdis [[carbdes St.]] bothë two, [folio 260b]
Line 20158
With al hyr domynacïoun, [[C. & St.]]
Stant vnder subieccïoun [[C. & St.]]
Off the hevene, off verray ryht, [[C. & St.]]
Al2 hyr power and hyr myght
Line 20162
Ys2 [[2_2 om. St.]] youe to hyre at certeyn tymes,
Bothe at Eve and ek at prymes,
To executen hyr [[ther St.]] power
Vnder the sterrys bryht and cler:
Line 20166
Bothe hyr dedys infortunat,
And ek hyr werkys ffortunat,
Bothe to lawhen and to wepe.
'And, men muste her [[ther St.]] houres kepe,
Line 20170
To rekne al the dayës sevene
Affter the mevyng off the hevene;
Wych be goode, And wych contrayre,
Wych amende, and wych a-payre,
Line 20174
