"The trouthe to me for to declare."
Line 20018
Astrology: [[St., om. C.]]
Quod she, 'I may spekë wel,
And I ha lost ek neueradel
Off my spechë nor language.
And thogh I shewe to thy vysage,
Line 20022
My-sylff, but halff on, in thy syht,
Wych halff (who so loke a-ryht)
Ys ryht noble and honurable,
And also ryht Auctórysable.'
Line 20026
Pilgrime: [[St., om. C.]]
"Touchyng thys halff, tel on clerly,
What maner thyng ye mene ther-by.
The tother part, what sholde yt be,
Wych as now I may nat se?"
Line 20030
Astrology: [[St.,? striogye (in margin) C.]]
'Certys, (thogh thow yt nat espye,)
She ys callyd Astronomye,
Wych ys wont to wake a-nyht,
To loke vp on the sterrys bryht.
Line 20034
Off whom, whylom thus stood the cas:
In Egypt ffyrst she norysshed was,
Of thylkë noble prudent kyng
Wych excellede in konnyng,
Line 20038
And was callyd (as thow mayst se)
The noble wysë Tholomee,
(So thys clerkys Olde hym calle,)
That ffond the cours off sterrys alle, [Stowe folio 331a]
Line 20042
Mevynge in ther bryhtë sperys,
Bothe be dayës and by yerys;
How that they mevë, long or sone,
And the cours off sonne and mone; [folio 259a]
Line 20046
ffond out the eclypses (by resoun) [[C. & St.]]
In the tayl off the dragoun, [[C. & St.]]
Or in the hed (with-outë lake); [[C. & St.]]
The cours ek off the zodyake. [[C. & St.]]
Line 20050
'And many mo conclusïouns [[C. & St.]]
Off hevenly transmutacïouns
He ffond al out, by gret labour;
Wher-ffore, worshep and gret honour,
Line 20054
