And the wyndes, for myn ese,
Gan in party to apese.
The whel I lefftë, off ffortune,
Wych selde in Onë [[one St., On C.]] doth contune;
Line 19982
I swam forth, in ful gret ffer;
I knew no wayë, her ne ther;
Tyl at the laste, off grace, I fond
A verray lytel hyl off sond,
Line 19986
And thyderward I gan me dresse,
To restë me for werynesse.
And there, in soth, A-noon I ffond
A lady wrytynge in the sond,
Line 19990
Lokynge toward the ffyrmament
Thorgh a lytel instrument.
A-nother lady I sawh ek ther,
That lenede hyre on A red sper:
Line 19994
I myhtë nat beholde her wel,
ffor I sawh but the halvendel
Off hyr body, nor hyr fasown;
And (as to myn inspeccïoun,) [Stowe folio 330b]
Line 19998
In hyr hand she held a spere,
Lokynge vp on the sterrys clere.
And doun I sat, and gan beholde
Thys .ij. ladyes off wych I tolde;
Line 20002
ffor I was wery off travaylle.
And yiff yt myhtë me avaylle,
I dyde also my besy peyne
To sen the maner off hem tweyne.
Line 20006
And to hyrë (A-noon ryht,)
That was but halff On [[one St.]] in my syht,
I sayde a-non as ye shal here,
Somwhat abaysshed off my chere:
Line 20010
[The Pilgrim:]
"Tel on," quod I, "lat me se;
Be ther swych monstres in thys [[ye St.]] Se [folio 258b]
Abydynge, lyk as ye do seme?
ffor I kan noon other deme,
Line 20014
But, monstres that ye sholdë be,
By sygnës outward that I se.
Yiff thow mayst spekë, nat ne spare,
