Of Paradys! þou mé wisse, and counsaile
How j may haue þi grace & þi socour,
Line 19946
All haue j ben in filthe and in errour.
Ladi, vn-to þat court þou me aiourne,
Þat cleped is þi bench, O freshë [[MS. fresh]] flour,
Þer-as þat merci euere shal soiourne.
Line 19950
Xpc [[=Christus]] þi sone, þat in þis world alighte,
Vp-on þe cros to suffre his passioun,
And eek [[MS. eek suffred]] þat Longius his hertë pighte,
And made his hertë blood to renne adoun:
Line 19954
And al was þis for my saluacïoun;
And j to him am fals, and eek vnkynde;
And yit he wole not my dampnacïoun:
Þis thanke j yow, socour of al mankynde.
Line 19958
Ysaac was figure of his deth, certeyn, [folio 115b]
Þat so fer-forth his fader wolde obeye,
þat him ne rouhtë no-thing to be slayn;
Riht soo þi sone lust, as a lamb, to deye.
Line 19962
Now, ladi ful of merci, j yow preye,
Sithe he his merci mesurëd so large,
Be ye not skant! for alle we singe & seye
Þat ye ben from vengeauncë ay oure targe.
Line 19966
Zachárïe yow clepeth þe opene welle
To wasshë sinful soule out of his gilt;
Þerfore þis lessoun ouht j wel to telle,
Þat, nere þi tender herte, we weren spilt.
Line 19970
Now, ladi bryȝtë, [[MS. om., bryȝt Gy.]] sithe þou canst and wilt,
Ben to þe seed of Adam merciáble,
And [[And John's MS. om.]] bring us to þat palaïs þat is bilt
To penitentes þat ben to merci able! Amen!
Line 19974
¶ Explicit carmen.
Whan I, wyth good deuocïoun, [Stowe folio 330a] [folio 258a]
Haddë [[whan with g. d. I had St.]] sayd thys Orysoun,
Off the ffloodys the gretë Rage
Ganne somwhat to a-swage,
Line 19978
