Comfort is noon, but in yow ladi deere;
ffor, loo, my sinne and my confusïoun
(Which ouhten not in þi presence appeere,)
Han take on me a greevous accīoun.
Line 19810
Of verrey riht and desperacïoun;
And as bi riht, þei mihten wel susteene
Þat j were wurþi my dampnacïoun,
Nere merci of you, blisful heuene queene!
Line 19814
DOwte is þer noon, þou queen of misericorde,
þat þou nart cause of grace and merci heere;
God vouched saf, thoruh þee, with us to accorde;
ffor, certes, crystes blisful mooder deere,
Line 19818
Were now þe bowë bent in swich maneere [folio 113a]
As it was first, of justice and of jre,
Þe rihtful god, nolde of no mercy heere;
But thoruh þee han we grace, as we desire.
Line 19822
Euere hath myn hope of refuit been in þee;
ffor heer biforn, ful ofte, in many a wyse
Hast þou to misericorde resceyued me;
But merci, ladi, at þe grete assyse,
Line 19826
Whan we shule come bifore þe hye iustyse!
So litel fruit shal þanne in me be founde,
Þat, but þou er þat day 1me wel [[wel Sion MS.]] chastyse1, [[1_1 over an erasure.]]
Of verrey riht my werk me wole confounde.
Line 19830
Fleeinge, j flee for socour to þi tente,
Me for to hide from tempeste ful of dreede,
Biseeching yow, þat ye you not absente
þouh j be wikke, O, help yit at þis neede!
Line 19834
Al haue j ben a beste in wil and deede,
Yit, ladi, þou me cloþë with þi grace!
Þin enemy and myn, (ladi, tak heede!)
Vn-to my deth, in poynt is me to chace.
Line 19838
Gloriows mayde and mooder, which þat neuere
Were bitter, neiþer in eerþë nor in see,
