Thys lytyl book, Rud off makyng,
Wyth som clause off hys wrytyng. [Compare Scogan's quoting Chaucer's Balade of Gentilnesse, though without its Envoy, in his Poem to his pupils, Henry IV.'s sons. Thynne's Chaucer, 1532, leaf 380, back, col. 1; Urry's, p. 547, col. 1.]
Line 19784
And as he made thys Orysoun
Off ful devout entencïoun,
And by maner off a prayere,
Ryht so I wyl yt settyn here,
Line 19788
That men may knowe and pleynly se
Off Our lady the .A. b. c. [The remainder of this leaf, 257 of the MS., is left blank, the scribe never having copied-in Chaucer's poem. It is printed above from the first of the Society's Parallel-Texts. John Stowe also left blank three leaves of his copy, putting A, B, C, etc., where the successive stanzas should start.]
Incipit carmen secundum ordinem Litterarum alphabeti. [MS. Ff. v. 30, Camb. Univ. Libr.,]
[folio 112b] Al mihty and al merciable queene, [¶ Capm lviim]
To whom þat al þis world fleeth for socour,
To haue relees of sinne, of sorwe and teene,
Gloriowse virgine, of allë flourës flour,
Line 19794
To þee j flee, confounded in errour;
Help and releeue, þou mihti debonayre!
Haue mercy on my perilous langour!
Venquisshed me hath my cruelle aduersaire
Line 19798
Bountee so fix hath in þin herte his tente,
Þat wel j wot thou wolt my socour bee.
Þou canst not warne him, þat with good entente
Axeth þin helpe; þin herte is ay so free;
Line 19802
Þou art largesse of pleyn felicitee,
Hauene of refute, of quiete and of reste.
Loo how þat theevës sevene chasen mee!
Help, lady briht, er þat my ship to-breste!
Line 19806
