The ffrut off Our redempcïon [[redemtion St.]]
And the ffourme off thys prayere
Ys ywrete, as ye shal here,
In Ordre pleynly (who kan se)
By maner off An .A. b. c.;
Line 19748
And ye may knowe yt sone, and rede,
And seyn yt whan that ye ha nede.
the translator [[St., om. C.]] :
And touchynge the translacioun
Off thys noble Orysoun,
Line 19752
Whylom (yiff I shal nat feyne)
The noble poete off Breteyne,
My mayster Chaucer, in hys tyme,
Affter the Frenche he dyde yt ryme,
Line 19756
Word by word, as in substaunce,
Ryght as yt ys ymad in Fraunce,
fful devoutly, in sentence,
In worshepe, and in reuerence
Line 19760
Off that noble hevenly quene,
Bothe moder and a maydë clene.
And sythe, he dyde yt vndertake,
ffor to translate yt ffor hyr sake,
Line 19764
I pray thys [Quene] that ys the beste, [folio 257a] [[C. & St.]]
ffor to brynge hys soule at reste, [[C. & St.]]
That he may, thorgh hir prayere, [Stowe folio 329b] [[C. & St.]]
Aboue the sterrys bryht and clere, [[C. & St.]]
Line 19768
Off hyr mercy and hyr grace
Apere afforn hyr sonys fface, [[C. & St.]]
Wyth seyntys euere, for A memórye,
Eternally to regne [[regrne C., rengne St.]] in glorye.
Line 19772
And ffor memoyre off that poete,
Wyth al hys rethorykës swete,
That was the ffyrste in any age
That amendede our langage;
Line 19776
Therfore, as I am bounde off dette,
In thys book I wyl hym sette,
And ympen thys Oryson
Affter hys translacïon,
Line 19780
My purpós to détermyne,
That yt shal énlwmyne
