'In my laas [[lace St.]] I schal the bynde;
¶ ffor, as seynt Petre lyste endyte, [[tendit St.]] [¶ Prima Petri. 7o. Tanquam leo rugiens . . ]
And in his pystelys ffor to wryte,
I go and serchë, day and nyght,
With alle my fforce, with al my myght,
Line 19328
Lyche a ravenous lyoun,
ffor to devoure, vp and doun,
Allë ffolkys, ȝonge and oolde,
That lambre [[lambes St.]] be off cristis ffoolde.
Line 19332
I haue off hem, fful ȝore agoon,
Off hem devoured many oon;
Strangelyd mo than I kan telle;
And that [[it St.]] were to longe to dwelle,
Line 19336
ffor to rekene hem alle in nowmbre,
Thousandis mo than I kan nowmbre;
And trewely, in two hundred ȝer,
I koude not tellë the maner
Line 19340
Off alle my treynës by and by.
'And I warne the outerly,
Thow schalt not lyghttely (ȝeue I may,)
ffro my daunger skape away.'
Line 19344
¶ The Pylgryme:
"WHer thow be wel or yuel apayd
In the wordes that thow haste sayd,
I haue ffounden a greet dyffence,
To make ageyne thé, résistence,
Line 19348
And conceyued [[conseyvyd St., conceyue Tib.]] it in my thought.
Blowe thyne horne, and sparë nought,
ffor thow schalt ffayle (ȝeue that I may)
To make off me [[the St.]] schortely thi pray." [Tib folio 57a]
Line 19352
And to be more stronge in vertu,
With the crosse off crist ihesu,
And off his gracë moste benygne,
I gan me crossen, and eke sygne,
Line 19356
ffor to assurë [[tassure St.]] my passage
Ageyne his laas so fful off rage.
And by my crossynge, I anoon
Gan to passe hem euerichoon;
Line 19360
They hadde no power ffor to laste;
ffor, by the vertu, they to-braste;
