'And fful off mvtabylyte, [[mutabylyte St., mvtabyte Tib.]]
Whiche schewith to hem fful greet bewete [Stowe folio 323a]
By a [[a St., om. Tib.]] maner off ápparence,
But it is ffalse in éxistence;
Line 19208
That is fful ffoule, dothe schewë ffayre,
Lyche a ffloure that dothe vnapayre [[Tib. & St. apayre St.]]
Whanne it is plukkyd and leyde lowe,
Or with som sodeyne wynde I-blowe.
Line 19212
Whiche bewete (as wryte Salamoun) [¶ Prouerbiorum, 31o. Proverbs. 31. St.]
Is but a ffalse decepcyoun;
And ffolkis that beth there-with blente,
Or they be war, beth offtë schente,
Line 19216
ffor lak ther eyen be not clere.
¶ 'Eke som ther swymmes [[swyme St.]] (as ȝe may leere)
With hand and armys strecchyd out;
Swyche as parte her good aboute
Line 19220
To porë ffolkis that haue neede;
And swyche vnbynde [[vnbynd St., vnkynde Tib.]] her ffeet, in deede,
ffrom wordely [[worldly St.]] delectacyoun, [Tib folio 55a]
And off devoute entencyoun,
Line 19224
By councel off her cónffessour,
Vnbynde her ffeet, by [[with St.]] greet labour,
ffor to goon in there vyáges,
Barffote, to sekë pilgrymáges;
Line 19228
Off ther synnës to haue pardoun,
fforȝeuenesse and remyssyoun,
Whanne ther menynge trewëly
Is voyde ffrom al ypocrysy.
Line 19232
ANd thus as now (withoutë [[without Tib., St.]] slouthe)
To the I hauë tolde the trouthe.
'And trewely [[sothly St.]] ȝit, ouere alle thyng,
I hatë trowthe in my workyng;
Line 19236
And off malys, bothe day and nyght,
Werrey [[werray St., Verrey Tib.]] trouthe with al my myght.
'By namë, callyd I am Sathan;
The whiche, as ffer as euere I kan,
Line 19240
I worke, in myne entencyoun,
ffor to cacche, in my bandoun,
Alle pylgrymes (as thow mayst se,)
That swymmen in the wawy see
Line 19244
