'And many a pylgryme thow mayste se
Swymme in this perélous see:
Sómme off hem, (whiche is not ffeyre,)
Ther ffeet han vpwarde in the ayre [[hayr St.]] ;
Line 19128
And allë swyche (ȝeue thow lyste se)
Ben thylkë ffolke that charged be
With the sak off couetyse,
And ouere-lade in many wyse,
Line 19132
That they, to swymmë be not able,
Ther burthen is so Importáble;
Whiche, by ffalse affeccyoun,
Ploungith her heedës low a-down
Line 19136
Vnder the wawys off this world here,
That they may not (in no manere)
Swymmë, ffor the hevynesse
That they bere, off greet rychesse.
Line 19140
OTher ther ben that swymmen ryght,
And haue eke wyngës ffor the fflyght;
And tho ben ffolkis whiche, in this lyffe,
In hertë ben contemplatyffe,
Line 19144
In wordely thyng haue no plesaunce,
Save in ther barë sustenaunce:
In this world, ther Ioye is nought;
ffor alle ther herte and alle ther thought,
Line 19148
And ffynal truste off ther workynge,
Is sette vp-on the heuenly kynge.
'But ffor alle that, (I the assure, [[ensure St.]] ) [Stowe folio 323a] [Tib folio 54a]
In this see they muste endure
Line 19152
Bodily, by greet penaunce,
In hevene hem sylffë [[them selven St.]] to avaunce.
And, ffor the love [[love St., lawe Tib.]] off crist ihesu,
They make hem whyngës off vertu,
Line 19156
To ffleen (by clene affeccyoun)
To the heuenly mansyoun;
Whiche greetly displesith me,
Theder whanne I se hem ffle.
Line 19160
Swychë ffolke resemblen alle
Vn-to a bryd that clerkes calle
Ortigometra in ther bokys;
And this bryd caste his lokys
Line 19164
