Were ysmytt [[St., Tib. blurd]] in ther vysage,
Line 19088
That they losten look and syght, [Tib folio 53a]
And ffeble were [[wex St.]] off fforce and myght:
And, by dyuerse ápparaylle,
The ragë so gan hem assayle,
Line 19092
In many another dyuerse wyse,
Mo than I may as now devyse.
The Hunte: [[huntar St.]]
'IDo fful wel,' quod he, [[quod he full well St.]] 'espye
Where-on thow castyste so thyne eye.
Line 19096
ffor alle thy wylës and thi Iape,
Thow schalt not so ffro me eskape; [Stowe folio 322b]
I schal the cacchë by som crook;
I haue leyde ffor the, las and hook,
Line 19100
As thow mayste thy-syluen se:
Thow schalt not skapen by this see.'
¶ The Pylgryme:
"TElle me anoon, and lyë nought,
As it lythe, ryght in thy thought,
Line 19104
These pylgrymes allë that I se,
Who hathe thus putte hem in thys [[thy St.]] see?"
¶ The hunte:
'IS not this,' quod he anoon,
'An hyghë [[hyghe St., hygh Tib.]] way ffor ffolke to goon
Therby, alle day in ther vyage,
Line 19109
Swyche as goon on pilgrymage?
I hadde not ellis (as I haue seyde)
Myne hookys and my nettys leyde,
Line 19112
To cacchen allë in this place
ffolke that fforby here do pace;
ffor this greetë [[greet Tib., gret St.]] largë see [Tib folio 53b]
Whichë that thow here doste se,'
Line 19116
It is the world, ay fful off trowble,
fful off many wawys dowble,
And fful off woo and greet torment,
In whiche fful many a man is schent,
Line 19120
With bellewys blowe on euery syde,
Which that myne ownë douhter, Pryde,
Is wontë, with hir ffor to bere,
Good pylgrymës ffor to dere.
Line 19124
