"And it semyth, by thi manere,
Off his, thow art noon officere."
Line 19052
¶ The hunte [[huntar St.]] :
QVod he, 'what makystetow swyche stryff?
Thow art wonder Inquysytyff,
Besy also, by argument,
To hoolde with me a parlement,
Line 19056
By langáge, and longe pletyng;
ffor, though I longe not to the kyng,
(And thow conceyue aryght I-wys,)
Som tyme I was oon off his;
Line 19060
And though I hauë no congé [[liberte St.]]
Off hym, to hunte in this contré,
He suffryth me here, in this place,
At his beestis ffor to chace,
Line 19064
And assaute on hem to make.
And whanne that I by fforce hem take,
Be it by day, be it by nyght, [Tib folio 52b]
I cleyme hem to ben myn off ryght.'
Line 19068
¶ The Pylgryme:
ANd while I herde alle his resouns
And ffrowarde oppynyouns,
Myne herte abaschyd, gan to colde,
Namely whanne I gan byholde
Line 19072
Pylgrymes, by greet aduersite,
fful many oon swymme [[swymmen St.]] in the see;
And they were clothyd euerychon.
And som off hem, I sawe anoon,
Line 19076
Ther ffeet reversed vp so doun;
And som (in myn inspeccyoun)
Swommë fforth fful euene and [[a St.]] ryght;
And som hadde whyngës ffor the fflyght,
Line 19080
That afforcyd [[offeryd St.]] hem silff fful offte
For to fflowe [[for taflowe St.]] fful hygh alloffte.
And though ther [[the St.]] purpos was so sette,
The see hath hem fful offtë lette; [[Illustration.]]
Line 19084
SOmme, by the ffeet were boundë stronge
With knottys, off [[of the St.]] herbis longe;
And somme, with wawës wood and rage,
