'And many other greet doctours
ffor to anullë [[tanull St.]] myn errours,
Line 18976
The skryppes off holy churche echon,
I hadde ffor-don (fful ȝore agoon,)
Off pylgrymes that passe by the way,
Sythen goon fful many a day.
Line 18980
'And ȝit I schal, what so byffalle,
Assaylë thé amonge hem alle,
And myn ooldë purpos holde,
Line 18983
In ffyre, though that [[that om. St.]] I brennë schulde,
I wole my wyttës alle applye,
Hardyd with obstýnacye,
Contynue til the ffyre be hoot;
Therffore I berë this ffagot.
Line 18988
'And ffirste, thow schalt me not escape,
But newe I wole thy skryppës schape, [Tib folio 51a]
Or ellis I dar vndirtake
Thát thow schalt it here fforsake,
Line 18992
And leve it with me vtterly [[entterly St.]] :
My ffader is here ffastë by, [Stowe folio 321b]
Whiche hathe power (as thow mayste se)
And [[ye St.]] bothë vp-on londe and see,
Line 18996
Thow schalt not skape hym (in certeyne,)
But with daunger and greet peyne.'
¶ The Pylgryme:
Myne eyen tho [[then St.]] I gan vnffolde,
And anoon I gan byholde
Line 19000
In the weyë me byfforne,
An huntë stoodë [[stood Tib., stode St.]] with his horne,
Off chere and lookë [[look Tib., loke St.]] ryght pervers.
And the passage, in travers,
Line 19004
With cordes he gan it ouere-leyne,
ffrette with nettys alle the pleyne.
And he brought in his companye
The ffalsë vekkë Heresye.
Line 19008
And, that men schulde hym wel knowe,
His horne he gan fful lowdë blowe;
As it were to catche his pray,
Ryght so he blewë on [[blew vp on St.]] the way, [[Illustration.]]
Line 19012
