'I schal it kutte in other wyse,
Lyche as my-syluen lyste devyse.' [[Illustration.]] [Tib folio 50a]
Line 18940
¶ The Pylgryme:
"THow ooldë vekke, as semeth me,
That thow mayste not clerely se;
Wherffore me lyste, by thi byddynge,
ffor to do no maner thyng,
Line 18944
But ȝeue to-fforne I knowe and se [Stowe folio 321a]
Thy powere and thyn autorite;
Thy worke also, and thyne office,
I wole ffirste knowe in myn avyce." [[Illustration.]]
Line 18948
Heresie: [[St., om. Tib.]]
'FOr pleynëly, off lasse and more,
Evene afftir my ffadris lore,
I wole (off bothë [[bothe of St.]] ffalse and trewe,)
The skrippës kutte and schapë newe,
Line 18952
Off pylgrymës greet and smale,
Kutte hem alle on pecys smale; [Tib folio 50b]
ffor it was I, my-silffe allon,
That schope the skryppës ȝore agon;
Line 18956
ffirste, off this Pellagyens,
And also off these Arryens,
And off other sectys newe,
ffoundë ffalsë, and [[and full St.]] vntrewe,
Line 18960
As ooldë bokës speciffye;
ffor I am callyd 'Heresye,'
The whiche do alwey [[all ways St., awey Tib.]] my labour
To bryngë ffolke in greet errour,
Line 18964
That ffolwe [[folow St., ffolke Tib.]] my condissiouns;
Only by ffalse oppynyouns,
Make her hertis to declyne
ffro the trouthe off Iuste doctryne,
Line 18968
And cause hem ffor to don ther cure,
And amys to [[Amys St.]] expowne hooly scripture.
'And, trewëly, naddë bene
The greetë [[greet Tib., gret St.]] counceyle at Nycene,
Line 18972
Ordeyned by greet Constantyn,
And nadde ben also Augustyn
