"Off that and many another thyng,
To-ffore the hour off his deiyng,
And resceyued was to grace,
And hath in heuene a dwellynge place.
Line 18828
¶ And semblabely, the tother man,
The gretë clerke callyd Cypryan,
To-fforne his deth, lyste to fforsake
This craffte, and ffor Crystis sake,
Line 18832
Suffred (as made is mencyoun) [Stowe folio 320b]
Martirdam and passyoun,
And is in heuene stelleffyed,
And with seyntis gloreffyed.
Line 18836
¶ Take heede to hem, by reed off me,
And not to hem that dampned be.
Thenke on hem that ben in blysse;
Line 18839
And where as [[what that St.]] thow haste don amysse,
With-drawe thy ffoot, and do penaunce,
And haue in hertë répentaunce."
¶ The Messangere:
'CErtys,' quod he ('ȝeue thow lyste se,)
That thow seyste, ne may not be.
Line 18844
Though thyne argumente be stronge,
At that scole I haue ben longe,
And fful wel lernëd my lessoun;
And by sodeyne departysoun,
Line 18848
(Who takyth heede, it is no nay,)
So sone I may not part away, [Tib folio 48b] [[Tib. & St.]]
As [[And St.]] I kan not (in myne entente)
ffynde in myne hertë to repente,
Line 18852
Nor to departe vp-on no syde;
I am with-hoolde; I muste abyde,
With other scolers mo than oon,
Whiche that there to scolë goon,
Line 18856
As ffolke may sen ther, gret ffoysoun.
'And eke my skrippe and my bordoun
Ben I-leffte in that hostage,
And lyne in maner off morgage; [[Tib. & St.]]
Line 18860
And I ne may not hem [[them nat St.]] recure;
And also (as [[eke St.]] I the ensure)
I gyue no forcë, [[fors St.]] in certeyn,
