"Leste it turne to thi damage;
ffor, who gothe to that mancyoun,
Gothe streytte to his destruccyoun,
Line 18788
As ther haue do fful many oon,
Whiche here-to-fforne haue theder gon,
Resemblynge (as I kan devyse)
Line 18791
To hym that was the Duke of [[of St., om. Tib.]] Fryse,
Whiche, whanne he shuld ha be baptisyd, [Tib folio 47b] [[Tib. & St.]]
(In storye as it ys devysed,
And as bokës kan wel telle,)
His o ffoot was putte in the welle,
Line 18796
To haue receyved cristis lawe,
But he in haste gan it with-drawe; [[Illustration.]]
FOr hym thought he herde a cry,
That affermed certeynely,
Line 18800
ffor synne and ffor Inyquyte,
How mo ffolke schuldë dampned be
At the day off Iugëment,
Gon to helle, there to be brent,
Line 18804
Ȝe mo (as in comparisoun)
Thanne ffolk ffor ther savacyoun
Scholde that day receyued be,
To dwelle in heuene, that ffayre cyte.
Line 18808
¶ But this duke, hym-silff to encombre, [[tencomber St.]]
Seyde [[Seyd St.]] with the gretteste nowmbre,
And woldë go, [[he would go St.]] thorough his ffolye,
And with hem holdë [[kepe St.]] companye,
Line 18812
There-with affermynge, in his thought,
That, off baptysme, he sette [[sett St.]] nought.
ffor whiche, me semeth it were ffolye,
The to halden companye
Line 18816
With swyche ffolke in thyn entent, [Tib folio 48a] [[Tib. & St.]]
Off whiche affter thow schalt repente.
"ffor I suppose that Salamoun
(Off whom thow madest mencyoun)
Line 18820
Wher in-ffectte, or hadde his parte,
In his dayës, off swyche arte,
As som ffolk seyne, (who kan entende,)
That hym-silffe he dyde amende
Line 18824
