"And wrongely don vn-to thi kyng;
Line 18668
Wher-ffore thow shalt I-ponysshed [[punishid St.]] be
ffor thi greet Inequyte, [[iniquite St.]]
To make spiritys the to obeye, [[tobbaye St.]]
And swychë charges on hem leye
Line 18672
By disseyte and ffalse tresoun,
And, haste [[hast St.]] no commyssïoun
ffor the to schewe on see nor lond,
And haste [[hast St.]] I-made eke, with thyn hand,
Line 18676
Karectis and cercle round,
And compassid it vp-on the ground;
And art so blynd, thow kanste not seen, [Stowe folio 318b]
On no party, what they mene.
Line 18680
"And swyche karectis (I dar wel telle)
Be markis off the deuel off helle,
ffirste ordeyned (who kan conceyue)
Innocentis to disceyue.
Line 18684
And thow mayste also (trustë me)
There-with thow schalt dysseyued be;
ffor this selis, thow schalt ffynde,
Constreynë the, and sorë bynde
Line 18688
By a maner állyaunce
To do the deuel swyche óbseruaunce
Made to thi conffusïoun,
As bonde or oblygacyoun;
Line 18692
By whiche he wole (off verrey myght)
Cleymë the his man off ryght;
By swyche a tytle, make hym stronge.
"And to spiritis thow doste greet wronge,
Line 18696
Hem to constreyne in thi workynge
To brynge thé other mennës thynge,
(Be it by day, be it by nyght,)
Vn-to whiche thow haste no ryght;
Line 18700
Where-in thow art greetly [[gretly St., greet Tib.]] to blame,
To bydde hem in the kyngës name
Or constreyne hem, ageyne resoun,
By karecte or by [[by, om. St.]] comyssyoun,
Line 18704
To robbe or steele, to thi ffavour,
Off other ffolkës [[ffolkis St., ffolke Tib.]] ther tresour,
By verrey fforce, ageynë [[agaynst St.]] ryght.
