'By my [[myne St.]] invocacyouns
To answere to my questyouns,
Line 18596
Swyche sperytis as I kalle;
And ȝit I knowe noon off hem alle,
Saue off entente, as thow mayste se,
That they schuldë grauntë me
Line 18600
Som maner gyffte, or som gerdoun,
Concernynge myn oppynyoun,
By vertu off the cercle round,
And Carectis graven in the ground,
Line 18604
By schewynge or by ápparence, [Tib folio 44b]
Affter that I ȝeue credence.'
¶ The pylgryme:
"Alle that thow doste specyffye,
Is but ffalsehed and ffantesye
Line 18608
And cursyd ymagynacyoun,
Brouth [[brought St.]] in ffirste by Illusïoun.
"This scole is nought, in sotheffastenesse,
Whos doctryne is but cursydnesse.
Line 18612
The scolers there-off, I holde hem wood;
Swyche spiritis may don to the no good;
And ȝeue thow koudeste the trouthe entende,
Harme they may, but not amende:
Line 18616
They wole wyrke in [[to St.]] thi damáge,
But no thyng to thyne ávauntage,
Who that kan lokë wel aboute.
"Also thi siluen [[my selffe St.]] stante in doute
Line 18620
Where-off thi cercle scholdë serue;
And thyngës that thow doste obserue,
Alle is but ffoly and mysbyleve, [[fals beleve St.]]
Towchynge the spiritis, thow mayste wel leve;
Line 18624
ffor the they wyl no thynge do wel,
ffor they the louen neuere a del."
¶ The Messangere:
'IDar afferme (with-outë [[with-out C., St.]] slouthe)
In party that thow haste seyde trouthe,
Line 18628
Excepte oonly (it is no nay)
In many thynges they helpë may,
A man [[man St., C. blurd]] greetly to magnyffye,
Encresse also, and multeplye, [Stowe folio 318a]
Line 18632
