"Hadde I-ffere longe dalyaunce,
Sche made no [[no St., me no Tib.]] maner off rémembraunce
Off this scole, in no degre,
Off whiche thow spekist off [[off, om. St.]] to me."
Line 18560
¶ The messangere:
'THan I dar seyn (as thow schalt ffynde)
That it was, out off hyre mynde;
ffor at this scole ther comyth no wyght
ffor to leernë, day nor nyght,
Line 18564
But ȝeue that he, ffirste, (off entent,)
Be ffro covetyse I-sent.
'Ȝit off this scole, (ȝeue thow wylte dwelle,)
The maner, I schal the telle:
Line 18568
¶ ffirste, whanne I was heder sent,
I wolde, by som experiment,
Or by som schorte conclusyoun,
Haue preued [[provyd St.]] out my lessoun;
Line 18572
ffor speculatyff and the practyk
Off this scolë be not lyk;
ffor speculátyff (in sentence)
With-outen good experience,
Line 18576
Avaylith lytle or ellis nought,
How longe euere that it be sought.
¶ Now take heede, and thow schalt se
I wolde hauë [[haue a St.]] dygnyte,
Line 18580
Or som other greet tresour, [Tib folio 44a]
And ther-on settë my labour;
And woldë knowe, to [[to to Tib., to St.]] this estat [Stowe folio 317b]
Wher I schal be ffortunat.
Line 18584
¶ ffirste, with my swerd, vp-on the ground
I make a cercle large and round,
With karectis and with [[with om. Tib., St.]] ffygures,
And knowë not the áventures,
Line 18588
Nor the dirkenesse hydde with-Inne,
Off the karectis, whanne I gynne
To emprynte: al [[tyll St.]] they be sene,
I wotë neuere what they mene; [[Illustration.]]
Line 18592
SAue I conyecte yt may so be,
That spiritis scholde obeye to [[obey St.]] me,
