His whynges splayynge to and ffro;
And with the noyse he madë tho,
The messangere gan newe abreyde,
And vn-to me ryght thus he seyde:
Line 18524
¶ The Messangere:
'Byhoolde ȝone habytacyoun
And the hyghë [[hyghe St., hygh Tib.]] pávylloun:
In that place (I dar expresse)
There abydith my maystresse,
Line 18528
Whiche cessith, nowther nyght nor day,
To teche hir scolers what sche may, [Tib folio 43a]
fful many wonderfful lessouns,
And many dyuerse cónclusyouns. [[Illustration.]]
Line 18532
'ANd, therffore, I callyd the,
That thow scholdeste the maner se [Stowe folio 317a]
Off hir scole, and knowe it offte.
And ffor this skele, the crowe aloffte
Line 18536
Is sette, (ȝeue [[yf St.]] thow kanste espye,)
Afftir hir scolerys ffor to crye;
That fforby passe, bothe este and west;
Line 18539
Thereffore sche hath made there [[ther made St.]] hir nest.'
¶ The pylgryme:
"CErtis me semyth it were ffolye
To komë there, or go fforby,
But ȝeue I knewë (in sentence)
What doctryne or what science,
Line 18544
To hir scolers sche dothe teche.
Thereffore, opunly in thy speche,
Declarë what it schuldë be,
Or ellys I wole not go with the."
Line 18548
¶ The Messangere:
4'A yerë,' quod he, 'and no mo,
ther I had to scolë go;4 [[4_4 St., om. Tib.]]
COuetysë, off entente, [Tib folio 43b]
To that scolë sche me sente;
Line 18552
And sothely, as it semyth me,
So I trowe sche dydë the.'
¶ The Pylgryme:
"CErteynely that is not so;
Though sche and I (bothë two)
Line 18556
