How that ȝouthë wente atwen,
Bytwyxen Avarise and me,
Cryed trewys, and bad let be.
Line 18448
¶ Than ȝouthe spak: [[youthe St.]]
'DO to hym no vyolence,
ffor I am komen in his diffence,
Ageynse [[agaynst St.]] the to make hym stronge.
Thow schalt to hym do now no wronge,
Line 18452
(Thow [[thowghe St.]] thow be cruel off entent,)
While that I am here present.'
¶ Auaryce:
'ȜEue [[yf St.]] thow ne were not ffastë by, [Tib folio 41b]
Thow myghtteste trustë ffynaly,
Line 18456
That I ffor no thyng woldë lette,
But that I schulde vp-on hym sette. [[Illustration.]]
¶ Thy komynge is not to my pay;
Thow haste me lettyd off my pray;
Line 18460
ffor the whiche, I am fful wo;
But now to hym I may nat do,
ffor to ffulffillë my talent,
While thow art with hym present.
Line 18464
But go thi way, and late hym be,
And anoon thow schalt wel se,
I schal hem cacchen [[cachen St., cacche Tib.]] in a trappe,
And aresten by the lappe,
Line 18468
That he schal not skape away
ffro my daungere, ȝeue [[yf St.]] I may.'
¶ The Pylgryme:
ANd whanne that I was at my large,
And thought I woldë me [[me St., not Tib.]] discharge,
Line 18472
ffrom allë daunger to go ffre,
ffrom Auaryce at lyberte, [Tib folio 42a]
Thorough helpe and ffavour (in this cas)
Off ȝouthë that my guydë was,
Line 18476
I wolde, as tho, no lenger byde,
But in-tawodë [[into a wood St.]] there bysyde
I entryd, whiche stood ffastë [[but fast St.]] by.
And as I wente, alle sodeynely
Line 18480
I herde oon wonder lowdë crye,
