'but wher I se ryght gret wynnynge.
Line 18252
'on that party evar I hold,
lyche a balaunce of whiche y told,
whose tungë draweth to that cost,
wher the weyht gothe dounë most:
Line 18256
to that party he wyll nat fyne
the balauncë to enclyne.
and so fare I when I begyne,
to holden ther I may most wyne.
Line 18260
'whan folke me pray with all ther myght
for to help them in theyr ryght,
wher the cawse be grene or rype,
a-non as I the money grype,
Line 18264
than I dare swaryn, by bone & blood,
that theyr cawse is trwe and good,
thoughe I know the contrary.
and than anon I wyll not tary,
Line 18268
for gold and sylvar evar amonge,
to makë ryght, thowghe it be wronge;
for I can make, vnto hir syght,
ryght of wronge, and wrong of ryght;
Line 18272
tourne the matere vp se doune,
and preue it out by good reson,
that in the case there is no lake:
and all I do, to fyll my sake
Line 18276
withe gold and othar men[në]s good,
how evar aforne the casë stode.
'thus haue I told the by resonne,
and mad a demonstracïon,
Line 18280
why that my tonge (by dyscryvynge)
is [y]callyd 'forswerynge.'
and withe lesyngs, (who lyst know,)
vp and downe it is y-sowe;
Line 18284
to falshed I do most avauntage,
and to truthë gretyst damage.
and in this plyht, as I the told,
ever my purpos I shall hold,
Line 18288
that yf the lawe ne chaungë nought,
I will be fals of word and thought,
in every place, wher evar I be, [Stowe folio 314b]
