'the cawse I woll vnto thè sayne:
myn haunchë is callyd lesynge,
and my tongë forswerynge;
Line 18176
and, to this twayn, trechery
is famylyar, and of aly,
and to them bothe, of kyndly lawe,
of custome she will evar drawe.
Line 18180
wher they ben old or yong of age,
they be echon of o lynage,
and, by hyrë, fyrst, certeyne,
myne haunchë cawhtë this spaven.
Line 18184
'she made my tongë fyrst taplye
to fynd out lesynge, and to ly;
and of lyenge I made to-forne,
was forswerynge fyrst yborn; [Stowe folio 313b]
for wher that evar forsweryng be,
lesynge is nyhe, as men may se;
and wher-so-evar that they go,
barret is nat fer them fro;
Line 18192
all thre bene of on accord,
with truthe evar-more at dyscord.'
pilgrim:
"Tell on, I pray, let me se
in what wysë may this be;
Line 18196
thow callyst thy tonge 'forswerynge,'
and thyn haunche also 'lyenge,'
whiche is so halt and corbyd doun;
tell me here-on some reson."
Line 18200
Avarice:
quod avaricë, 'lay to ere,
and anon thow shalt well here,
how that I this othar day
mett with truthe vp-on the way;
Line 18204
withe her was also equite,
and bothë tweyn, I dyd se.
of them, as I tokë hede,
how they begged bothe ther bred;
Line 18208
they were so poorë bothë two,
for theyr frynd[ë]s wer all go.
and yf I shall the truthë showe,
