'by no maner of sotelte;
the way is narow & streyght certeyn,
for to comyn out ageyn,
Line 18056
lyke a wyle in a ryver,
to cache the fysche bothe fer and nere;
the entre large / the comynge out
is so strayt, it stant in dout.
Line 18060
'A-nothar hand I have also,
with whiche I werkë mychë wo
by a maner of roberye:
and it is callyd 'trecherye,'
Line 18064
withe the whiche, (who can conceyve,)
full many folk[ës] I deceve.
vndar colour of ryghtwysnes,
I do to folke full gret falsnes,
Line 18068
that be symple and inocent.
withe my frawd they be so blent
in marchandysë that I vse,
I can my selffe nat well excuse.
Line 18072
'in deceyt stant my labowr,
by fals weyght and fals mesure:
by largë mesure I can byen,
and streight mesure I sell ageyn;
Line 18076
in byggyng I wyll ha trwe wayt,
but in my salle I do gret slayt,
bothe in peys and in balance.
'with sobar cher and countenance
Line 18080
my chaffér I can well sell,
and to symple folke I tell
that it is bettar than it is,
and wittyngly I do a-mys
Line 18084
touchynge the pris, how that it gothe, [Stowe folio 312b]
and falsly swere many an othe,
sober all-way, and sad of chere.
'and whan that I am a drapere,
Line 18088
I hange out courteyns in the lyght,
for to blyndë folkës syght,
that men may not sen at ye full
nothar the colowr nor the wull;
Line 18092
set it at hyghë pris therto,
