'On pylgrymes that passe by the way,
As I wer fallyn in A rage;
And wer that folk ha most passage,
Line 17856
Ther I kan sytte in gret dystresse,
And crye on hem for ther almesse
With a pytous feyned face.
And, in hem to fyndë grace,
Line 17860
I feyne ful many a mallady,
As I wer in A dropësy,
Or sodeynly podagre falle;
And alway, affter good I calle; [folio 253b] [[C. & St.]]
Line 17864
I feyne me blynd, I feyne me lame; [[St. & C.]]
And for to lye, I ha no shame; [[St. & C.]]
I crye with bak ycorbyd doun, [[St. & C.]]
And makë many a pytous soun. [[St. & C.]]
Line 17868
And thogh I fele no maner peyne,
I kan ful wel a causë feyne,
That I am falle in indygence,
ffor to beggyn my dyspence.
Line 17872
'And yiff that folk ne yiff me nouht,
Than with a gruchchynge hevy [[hevy om. St.]] thouht
I curse hem in-to hellë pet.
Myn herte on malys ys so set, [[pit . . syt St.]]
Line 17876
On all I wolde avengyd be,
That wyl no pyte han off me. [Stowe folio 310b]
'Thys ys the hand off faussemblaunce; [prose cap xxiii]
And with thys hand, I kan avaunce
Line 17880
Alle thys trwauntys euerychon
Wych that on my dauncë gon,
That, by her offyce and her name,
ffor to axë, haue no shame:
Line 17884
Brybours that gon vp and doun,
Devoyde off occupacïoun,
And lyst hem sylff nothyng avaunce,
To travaylle for ther sustenaunce,
Line 17888
As thow mayst sen ful many On
That aboute the world so gon.
'Somme axë bred, somme axë chese;
And for that they wer loth to lese,
Line 17892
Somme axe clothys and cootys olde;
