'Than I suppose (with-outë wer,)
He peyseth (as I rehersë shal,)
Hys long abydyng tyme and al.
Line 17816
'But whan the wode may multeplye,
Wexe and encressen at the Eye,
Than thencres and wexyng al
Ys mesuryd in espécyal,
Line 17820
And yweyed in ballaunce,
Who loketh euery cyrcumstaunce.
'Now shal I make descrypcïon,
And a cler declaracïon
Line 17824
(Yiff thow kanst wel vnderstond):
Thys dyssh that I holde in myn hond, [Stowe folio 310a] [prose cap xxii]
(In ffrenche callyd 'Coquynerye' [folio 253a]
And in ynglyssh 'Trwandrye,')
Line 17828
Thys hand I vse in bryberye,
In beggyng and in lasyngrye.
At euery dore I axe and craue,
My sustenauncë for to haue,
Line 17832
And offtë sythe (yt ys no dred)
I put vp many a lompe off bred
In-to my sak, (so mot I the,)
And kepe yt tyl yt mowlyd be,
Line 17836
That yt may nothyng avaylle.
'And euery man I kan asaylle
With myn Importáble cry,
I sparë noon that goth forby;
Line 17840
And thus I axë my purchace.
And I wyl payen in no place,
What vytaylle euere that I spende;
And to nothyng I do [[that I St.]] entende,
Line 17844
But for to axen and to crye;
And al labour I do defye;
I wyl nat travaylle in no wyse;
I kan my sylff so wel desguyse
Line 17848
With my mantel al-to-rent,
That the peple ys verray blent
With my fals illusïoun
And feyned symulacïoun.
Line 17852
'I crye and coniure al the day
