'And euere in hys entencïoun
He ffynt out weyës sotylly
ffor tencresse hym-sylff ther-by;
Line 17660
By maner off enchauntement
He ffyndeth out (in hys entent)
To tournë, by hys sotylte,
Line 17663
A Tourneys to A parysee [[worth a fourth more: see note, p. 471.]] ;
By hys engyn, wyl vndertake,
Off fyvë, syxë for to make.
'Thys hand kan also (in certeyn)
In gernerys shette vp hys greyn,
Line 17668
Abydynge (with an hevy chere)
Tyl ther kome A derë yere,
At avauntage yt to selle,
And the pans [[pens St.]] ful streyhtly telle,
Line 17672
Vsynge ther-in ful many a whyle.
'And thys hand that halt the ffyle, [Stowe folio 308b]
Wasteth bothë gret and smal,
Consumeth and devoureth al,
Line 17676
Off porë folkys, the substaunce:
I pray god yive hym evele chaunce;
ffor nothyng may thys fyle endure.
'Thys hand ycallyd ys 'Vsure,'
Line 17680
Vsyd in ful many place,
Wych ys to god a gret trespace,
Bothe at marketys and at ffayres.
And also provostys and ek mayres
Line 17684
In tounës, [[touns C., St.]] borwys and cytes— [folio 251a]
ffolk off hyh and lowh degres— [[St. & C.]]
Echon they may nat hem excuse [[excuse St., C. burnt.]]
But that somme off hem yt vse.'
Line 17688
Pilgrim: [[St., om. C.]]
"Declarë to me (in substaunce,) [prose cap xx]
Wher-off serueth thy balaunche.
I trowe thow wylt ther-in ryht sone
Peysë ther-in bothe sonne and mone,
Line 17692
The sterrys ek, or thow ha do,
And the zodyak / also."
Avarice: [[St., om. C.]]
'Lerne, and vnderstond me wel,
