'And in reknynge, thys hand mystelleth.
Thys hand also (yt ys no drede)
Kan spoyllë folk whan they be dede.
Line 17620
Thys hand kan al the nyht wachche,
And ful streythly glene and kachche, [Stowe folio 308a]
And rendyn vp (yt ys no nay,)
Al that euere lyth in hys way.
Line 17624
'Thys hand, thogh men haddë sworn,
Kan robbe and bern away the corn
Out off bernys and garnerys;
Line 17627
Thys hand kan ferette in konnyngherys [[conyngers St.]]
Be nyhtë tymë, whan men slepe;
Thys hand, by holys kan in crepe,
And bern a-way what he may fynde,
And lyst to leue nothyng behynde;
Line 17632
Thys hand maketh ydel offycerys
And many falsë labourerys.
Thys hand (ageyns al resoun)
Doth many gret extorsïoun
Line 17636
In euery lond and [[in struck out, a over C, and St.]] ech contre,
Worthy enhangyd for to be,
Yiff the falsnesse wer yknowe
That he doth, bothe hyh and lowe;
Line 17640
ffor thys hand wyl neuere spare
Porë folk, to make hem bare
And nakyd (off entencïon)
ffrom al ther pocessïoun.
Line 17644
'My thryddë hand, mad by gret wyle [[ [prose cap xix] ; cap. xviii omit|ted.]]
With the wych I ber the ffyle,
I shal, as kometh to remembraunce,
Declarë to the (in substaunce)
Line 17648
What thyng yt doth specefye. [folio 250b] [[St. & C.]]
And the trouthe doth sygnefye, [[St. & C.]]
Thys hand ys wrouht ageyn nature, [[St. & C.]]
Wych euere doth hys besy cure [[St. & C.]]
Line 17652
Alway (off entent vntrewe)
To forgë money newe and newe,
Other folkys gold dystresse,
And hys ownë to encresse,
Line 17656
By som fals collusïoun.
