'Al that euere goth forth by,
He devoureth yt Outterly,
And neuere ne sent no thyng ageyn.
Tawayte ther affter wer but veyn,
Line 17504
ffor shortly, he devoureth al,
Coper, yren, and metal;
Al that peyseth or yiveth soun, [folio 248b]
To the botmë yt goth [[botome it goythe St.]]
Line 17508
To gretter wrak than on a rok.
'And as an Ape vn-to a blok
Or to a clog, tyed with a cheyne,
Ryht so I do my bysy peyne;
Line 17512
I teye my sylff (by gret dystresse)
And byndë me to my rychesse;
I bynde yt nat; yt byndeth me,
That I am bonde, and nothyng fre,
Line 17516
ffor to have theroff plesaunce.
ffor lak only off suffysaunce,
I am so teyd (I may nat skape,)
With a clog, ryht as an Ape, [Stowe folio 307a]
Line 17520
Wych in soth so letteth me,
That I ha no lyberte
To gon at largë hih nor lowe.
'And yiff thow lyst also to knowe [prose cap xv]
Line 17524
What my vj [[syxë 473/17666]] handys be,
I shal declare a-noon to the,
And make a demonstracïon:
I Gryppe and streyne lyk a Gryffoun,
Line 17528
And faste I holdë ther-with-al
Coper, yren, and ech metal;
Streyhtly kepe yt in myn hond,
Bothe in water and on lond.
Line 17532
And thow aforn dyst neuere se
So cursyd handys as they be;
Enarmyd abouten Envyroun
With the pawmys off a Gryffoun.
Line 17536
'The fyrstë hand (for to dyffyne)
By ryht ycallyd ys 'Ravyne,'
That sheweth Gentyl outward alway,
Tyl that he [[it St.]] may cachche hys pray;
Line 17540
