"Arrayed, and so dysguesyly;
Halt and lame, (as semeth me)
Brokë-bakkyd, and foul to se.
Line 17344
And with al thys (I the ensure),
A verray monstre in nature,
(Who lyst looke, he shal yt fynde,)
And engendryd a-geyn kynde.
Line 17348
How sholdystow, with al thys thynges,
Ouer erlys, dukys, [[dukes earls St.]] kynges,
Have power or domynacïon
To brynge hem in subieccïon,
Line 17352
Sythen they, by gret noblesse,
Haven off kyndë swych fayrnesse,
And brouht forth by engendrure,
Kyndëly, as by nature?"
Line 17356
Avarice: [[St., om. C.]]
'Yiff thow wylt a whylë dwelle, [prose cap xi]
A good exaumple I shal the telle,
Reporte me wel in euery thyng:
'Ther was onys a myghty kyng,
Line 17360
Wych that hadde, to hys plesaunce,
A lady in hys governaunce,
Whom that he louede paramour,
And took to hyre al hys tresour, [Stowe folio 305b]
Line 17364
Good [[goods St.]] and Iowelles euerydel,
Be-cause that he louede hyr so wel. [folio 246b]
And shortly, thus with hym stood,
She gouérnede al hys good,
Line 17368
Whos name was Lyberalyte:
She was benygnë, large and fre,
Wych, in euery regïoun,
Hadde gret fame and gret Renoun.
Line 17372
And she dyde euere hyr labour,
So to dyspendyn hys tresour,
That hys worshepe on euery syde
Gan encrece and spredë wyde;
Line 17376
Gat hym honour and gret ffame,
And with al thys, a ryht good name.
'The story doth also specefye,
She made hys goodys multeplye,
Line 17380
