Euerych wyse man sholde ha wo,
Line 17304
And compleyne (I the ensure)
Thys vnhappy áventure."
Avarice: [[St., om. C.]]
'Wher thow be wel or evele apayd, [prose cap viii]
Lo her ys al that I ha sayd.
Line 17308
Thys mescheff (yiff thow kanst yt se)
Ys ydon and wrouht by me,
And acomplysshed vp in dede,
Al-thogh that yt be no nede; [Stowe folio 305a]
Line 17312
Wher-off, in hys prophesye,
The nobyle prophete Ieremye
(As he that lyst no thyng to feyne)
Weptë sore, and gan compleyne:
Line 17316
'Allas!' quod he, 'how the pryncesse,
Off folkys allë cheff maystresse,
Ys trybutarye, and bor doun,
And brouhte in-to subieccïoun!'
Line 17320
'The prophete wyste aforn ryht wel,
That I sholde causen euerydel
Thys gretë desolacïon
And thys habomynacïon.
Line 17324
I and myne (yiff yt be souht)
Have thys gretë mescheff wrouht.
'Thys the custom (in substaunce),
Holy the maner and vsaunce,
Line 17328
Off al that to my scolë go,
By my doctrynë to do so,
And so to werke, by my techyng;
ffor ther ys nouther rook nor kyng, [folio 246a]
Line 17332
But ech off hem (for ther part) [prose cap ix]
Sorë studyen in that art,
Euerych off hem to fynde a waye,
How they may to me obeye.
Line 17336
Thow mayst me leve in sykernesse;
Ther ownë werkys ber wytnesse.'
Pilgrim: [[St., om. C.]]
"I may nat levyn (fer nor ner) [prose cap x]
Thow sholdest han so gret power,
Line 17340
Wych that art so poryly
